شركة أدوبي نزلت فيديو بتعرض فيه خاصية Content-Aware Fill جديدة فيها تحكم أكتر في طريقة مسح الأجزاء اللي مش عايزها في الصورة وده هيخليك تعرف تستخدمها مع صور معقدة أكتر.
الخاصية الجديدة هتنزل في نسخة الفوتوشوب الجديدة المتوقع إنها تكون CC 2019 واللي هيعلنوا عنها مع تحديثات لمجموعة برامج الـ Creative Cloud في مؤتمر Adobe MAX في لوس أنجلوس من 15-17 أكتوبر
الفيديو بيوضح الخاصية الجديدة هتكون في قائمة Image باسم Content-Aware Fill وبرضو الخاصية القديمة موجودة في الـ Fill.
الخاصية الجديدة بتفتحلك شاشة جديدة بتظهر نتيجة الـ Fill والصورة الأصلية وعليها Mask تقدر تحدد منه الأماكن اللي يستخدمها عشان يعمل Fill في الجزء اللي عايز تمسحه وكمان في إعدادات تانية عشان عشان تحسن نتيجة الـ Fill وطريقة الـ Output عشان لو عايز تخليه في Layer جديد من غير متبوظ الصورة الأصلية.